Tutuq belgisi qayerda yoziladi?
Tutuq belgisi (ʼ) kichkina, lekin soʻzning oʻqilishini oʻzgartiradi. Lotin yozuvidagi imlo qoidalariga koʻra u uch holatda yoziladi.
1. Unlidan keyin
Oʻzlashma soʻzlarda tutuq belgisi unlidan keyin kelsa, shu unli choʻziqroq aytiladi:
aʼlo, baʼzan, maʼyus, eʼlon, eʼtibor, sheʼr, feʼl, shuʼla.
2. Undoshdan keyin
Tutuq belgisi undoshdan keyin kelsa, keyingi unli oʻsha undoshdan ajratib aytiladi:
sanʼat, inʼom, qatʼiy, masʼul.
3. s va h orasida
sh bitta tovushni bildiradi. Agar s va h alohida ikki tovush boʻlsa, ular orasiga tutuq belgisi qoʻyiladi:
Isʼhoq, asʼhob.
Qayerda yozilmaydi
oʻ unlisidan keyin tutuq belgisi yozilmaydi, hatto bu unli choʻziqroq aytilsa ham:
moʻjiza, moʻtadil, moʻtabar.
Ikki xil belgi
Tutuq belgisi bilan oʻ va gʻ harflaridagi belgi bir xil emas. oʻ va gʻ dagi belgi kichkina 6 ga oʻxshaydi: ʻ. Tutuq belgisi esa kichkina 9 ga oʻxshaydi: ʼ.
Yangi alifboda
Yangi alifboda ham tutuq belgisi saqlanadi. Batafsil: Yangi oʻzbek alifbosi: nima oʻzgaradi va qachon.
Manba: Oʻzbek tilining asosiy imlo qoidalari, 17- va 32-bandlar.